Dankschöööööööööööööön!! <3<3<3
Wennde dini Ohre ganz guet schpitzisch, kasch höre, wie unser närvöses Schpaarschweinli fröhlich grunzt. Und als Dank hez dir do e kleins, fröhlichs Karusell us däm Quatsch baschtlet, uf unserem Kanal so ummeligt:
Frame Of Fame
Falls du uns mehr als 20.- geh hesch (du Schlingel) oder du’s dir nid kasch leiste, aber dir gaaanz fest wünschisch, hesch du s heilige Aarächt uf e Frame Of Fame (e Postkarte mitem Azeigebild vom neuschte Video). Bi 50.- und mehr gits e Premium-Poschtkarte (wie uf däm Biispil undedra) miteme individuelle Bild vom letste Video – me darf au e Timecode agäh, falls es e spezifische Frame erwünscht isch. 😆
Do gits nomol e Notfall-Formular – falls du in däm Fall widr unseri Empfählig und jeglicher Vernunft vorhär vergässe hesch, dini Adrässe azgeh, und aber doch no sone Quatschkarte wünschisch, kasch du uns dini Adrässe jetzt no per Kontaktformular schicke.
(Us Dateschutzgründ wärde mir die Information nachem Versand vom Frame Of Fame widr lösche, usser mir hän si us privatem Kontext eh scho, oder du bittisch uns in dinere Nochriche explizit, si z speichere.)
Email-Benochrichtigung bi neue Videos
Mir verschtöhn natürlich, dass du jetzt mehr vo unserne Videos willsch. Fall du Youtube nid zuetrausch, dir z sage, wenns e neus Video git, oder wenn du lieber vo uns miteme liebevolle, handgmachte Email druf ufmerksam gmacht wirsch, kasch du di *do für unsere Email-Verteiler regischtriere*.